Emigrimi është një ndër dukuritë tipike të shoqërisë shqiptare, që ndër vite nisur nga faktorë politikë, ekonomikë dhe socialë, kanë zgjedhur të largohen nga vendi.
Për të arritur qëllimin e tyre, shpesh të vështirë, kanë gjetur mënyra nga më të ndryshmet dhe njëkohësisht të çuditshmet.
Por, nëse menduat se i keni dëgjuar të gjitha e keni gabim pasi së fundmi mënyra më e re për tu futur klandestin në një shtet është sa e pabesueshme, aq edhe e tmerrshme.
Një 20-vjeçar është dënuar nga gjykata e Canterbury në Britaninë e Madhe me 30 muaj burg, pasi u shpall fajtor për trafikimin e dy personave me origjinë shqiptare duke i fshehur nën dyshemenë e kamionit, brenda arkivolëve metalikë.
Mediat e huaja bëjnë me dije se i arrestuari është Stefan-Gabriel Bucur, i cili është ndaluar nga oficerët e Forcave Kufitare në hyrje të Dover Eastern Docks.
Zëvendësdrejtori i Forcave Kufitare Martin Coates e cila ka folur në lidhje me këtë çështje ka thënë se burrat ishin në gjendje të mirë shëndetësor pavarësisht se ishin të izoluar brenda arkivolëve.
“Burrat ishin mbërthyer në zgavër në atë arkivol si kosh. U desh oficerëve më shumë se 20 minuta për të hequr bulonat dhe për të hequr bordet. Për fat të mirë ishin në gjendje të mirë shëndetësore”.
