Ish kryeministri Sali Berisha, ka shkuar ditën e sotme në Kuvendi e Shqipërisë i ndarë nga pjesa tjetërr e PD-së, pasi ditën e djeshme Lulzim Basha e përjashtoi nga grupi parlamentar. Në hyrje të Kuvendit ai ishte pritur nga mbështetja e tij në hyrje të Kuvendit, të cilët doli t’i përshëndesë duke hipur mbi makinë.
Ai është shoqëruar nga Edi Paloka dhe Tritan Shehu, ndërkohë që pjesa tjetër e Demokratëve ka hyrë më vete në Kuvend. Berisha ka thënë se sot nis beteja për shpëtimin e PD-së dhe të Shqipërisë, i cili sipas tij është shitur nga pazaret e turpshme të Lulzim Bashës dhe Edi Ramës.
“Sot nis beteja jonë, sot nis beteja jonë për shpëtimin e Partisë Demokratike dhe të Shqipërisë nga pazaret e turpshme të Lulzim Bashës dhe Edi Ramës. PD do të dalë nga kjo betejë më e fortë dhe më e sigurtë në fitore, rroftë PD rroftë Shqipëria. I vetmi që do marrë përgjigjien që meriton është njeriu që shet PD në pazare të fëlliqura me Edi Ramën., Lëvizja ime do të jetë një lëvizje statuore e bazuar në statut.
Unë them se emergjenca është kjo, PD do të rivendosë sovranitetin dhe legjitimitetin e saj të grabitur poshtërsisht me marrëveshjen Rama-Basha.”, tha Berisha.
