Lideri i opozitës, Sali Berisha, ka deklaruar se kryeqyteti ynë ka banesa bosh më shumë se të gjitha vendet e tjera të Ballkanit të marra së bashku. Ai gjithashtu theksoi se narkoeurot kanë shkatërruar përfundimisht tregun e banesave, duke çuar vendin drejt një krize të tmerrshme falimentuese të industrisë së ndërtimit. Berisha përmendi se çdo qytetar që dëshiron të blejë një apartament në Tiranë e ka të pamundur për shkak të parave të drogës.
Deklarata e plotë:
Miqtë e mi, narkoeuro ka shkatërruar përfundimisht tregun e banesave. Shqipëria sot, Tirana sot ka banesa bosh më shumë se të gjitha vendet e Ballkanit të marra së bashku. E megjithatë, kullat, monumentet e drogës dhe korrupsionit, lartësohen çdo ditë.
Çmimet shkojnë në stratosferë. Vendi ecën drejt një krize të tmerrshme falimentuese të industrisë së ndërtimit.
Çdo qytetar që do të blejë një shtëpi në Tiranë, e ka të pamundur, sepse paratë e drogës nuk e lejojnë atë. Narkoeuro e mban çmimin në stratosferë.
