Lideri i opozitës, Sali Berisha ka prezantuar kandidatin e koalicionit “Bashkë Fitojmë” për abshkinë e Tropojës, Besnik Dushaj.
Gjatë fjalës së tij Berisha, vlerësoi kandidaturën në fjalë, ndërsa shtoi se bëhet fjalë për kandidat të lirisë, të votës së qytetarëve, duke iu referuar këtu edhe procesit të primareve me të cilin u zgjodhën kandidatët e koalicionit “Bashkë Fitojmë”. Berisha nuk la pa ironizuar edhe kandidatin e PS-së, Rexh Byberi, duke thënë se doli nga sirtarët e bodrumeve të mafies.
“Sa herë vij këtu, çdo km më bëhet më e lehtë. Kam ardhur për të paraqitur si kandidat Besnik Dushaj. Njërin nga demokratët më të vendosur, një nga pasardhësit e një familjeje të nderuar, njeriu me virtyte që punoi për ndryshimin dhe zhvillimin e kësaj treve. Këtë herë Besniku, Miftar Dauti që na pret në Has, i paraqesim kandidatët të lirisë, së votës suaj, së Primareve. Unë e di që procesi i Primareve, i pari në 32 vite nuk ishte i përsosur por do bëhet.
Ndaluni për një moment ta pyesim pak Rexhën; Ti Rexha i kujt je? Cili socialist të ka zgjedhur ty? Kush të ka votuar? Nga dole? Nga sirtarët e Edi Ramës. Përballen kandidatët e Lirisë me ata të Ramës”, tha Berisha.
