Kryetari i Komisionit të Zgjehdjeve në PD, Jemin Gjana e ka quajtur ish-kryeministrin Sali Berisha një nga politikanët më brilantë të këtij vendi. I ftuar në emisionin “Kjo javë” në News 24, Gjana ka folur ndër të tjera edhe për zgjedhjet brenda PD dhe për shpalljen “non-grata” të Berishës nga SHBA.
Gjana tha se për aq vite sa i ka qëndruar në krah, te Berisha ka njohur një politikan të pazëvendësueshëm.
“Kur vjen puna për këto diskutimet kështu…Berisha është një nga politikanët më brilantë të këtij vendi, nuk e mohon dot askush. Unë bëj pjesë tek ata persona që pretendoj se kam qenë më i afërt me Berishën, kam qenë dy vjet nënkryetar. Katër vite drejtova reformën zgjedhore, katër vjen ministër dhe më pas….nuk e di e llogarsini vetën tani sa vite kam qenë në përditshmëri me Berishën. Në pikëpamje të korrektësisë, unë kam njohur një politikan të pazëvendësueshëm. Nuk flas as për kë e rrethon, as për të tjerët. Kam qenë për çdo ditë me të dhe e njoh për korrekt. I ruaj marrëdhëniet me të. Bëri një zgjedhje që e nxorri nga Bla-bla-ja e politikës dhe e çoi çështjen në duart e drejtësisë, e bëri kauzë. Amerika është një vend i madh dhe demokratik, ka gjëra shumë interesante në Amerikë, dy prej të cilave dua t’i përmend: lejohen lobingje me ligj dhe përmes tyre lejohet marrja e shumë vendimeve, Amerika është vend shumë i madh dhe nuk merr vendime për sot, por për një afat të gjatë”, tha Gjana.
