Një 23-vjeçare shqiptare ka humbur jetën ditën e djeshme në Greqi nga një gabim i stafit mjekësor.
Studentja Aleksandra Bistolaki, në datën 22 maj kishte kryer një operacion për heqjen e kistit, por ndërhyrja nuk shkoi siç duhet.
Pas operacionit, e reja shqiptare filloi të ankohej se nuk ndihej mirë.
E ëma, Anila Mertika, emigrante nga Saranda, së bashku me të atin, vendas e transferuan në spitalin e madh të Athinës, “Georgios Genimatas”.
Sipas medias greke protinewskorinthias, pak orë pas ndërhyrjes së dytë Aleksandra Bistolaki ra në koma.
Ndërsa ditën e djeshme ajo humbi jetën.
Ende nuk ka dalë ekspertiza mjeko-ligjore për 23-vjeçaren, por dyshohet se shkak ka qenë një gabim mjekësor.
Ajo njihej nga të gjithë si një studente e shkelqyer dhe në rrjetet sociale nuk janë të pakta reagimet për këtë vdekje.
Bashkëmoshatarët, familjarët dhe të njohur kërkojnë hetime për këtë ngjarje.
