Vaksinimi kundër gripit sezonal vijon në të gjitha qendrat shëndetësore të vendit.
Sipas një raporti të Institutit të Shëndetit Publik, deri më 10 nëntor janë aplikuar 169,008 doza të vaksinës antigrip, nga 280,000 të siguruara nga shteti shqiptar për t’u ofruar falas grupeve në risk. +
Kjo përbën mbi 60% të totalit të vaksinave të disponueshme për këtë vit.
Megjithatë, edhe pse ritmi i vaksinimeve ka rënë krahasuar me javët e para, ka ende qytetarë që po vaksinohen në poliklinika.
Interesi më i madh për vaksinat është regjistruar tek personat mbi 60 vjeç.
Sipas të dhënave nga ISHP, Berati është qarku që ka aplikuar numrin më të madh të vaksinave kundër gripit, me 68.13% të dozave të disponueshme, duke pasuar nga Gjirokastra me 67.18% dhe Dibra me 66.6%.
Nga ana tjetër, Shkodra dhe Lezha janë qarqet me përqindjen më të ulët të vaksinimit.
Pavarësisht se gripi është izoluar në qarkullim, ekspertët apelojnë që vaksinimi të vazhdojë, veçanërisht për kategoritë e riskut, të cilat përfshijnë persona me sëmundje kronike, obezë, ata me sistem të dobët imunitar, fëmijët dhe të moshuarit.
