Zëvendës-presidentja e sapo zgjedhur e Shteteve të Bashkuara të Amerikës (SHBA), Kamala Harris, ka paralajmëruar zyrtarisht dorëheqjen nga vendi i saj në Senatin Amerikan.
Lajmin e ka bërë me dije vetë Kamala Harris, e cila ka pranuar se të hënën ajo do të heqë dorë nga angazhimi i saj në Senatin Amerikan, për tu bërë gati për betimin e Joe Biden zyrtarisht si president i SHBA-së në 20 janar.
Ndërkohë ky vendim vjen vetëm tre ditë para se ajo të inaugurohet si zëvendëspresidente, duke hyrë në histori të shtetit amerikan, si gruaja e pare me ngjyrë dhe e para nën-Presidente me origjinë nga Azia Jugore.
Ndihmësit e saj kanë treguar se tashmë Kamala Harris ka filluar procesin e dorëheqjes së saj, pasi kishte njoftuar guvernatorin e Kalifornisë Gavin Newsom për qëllimin e saj si nënpresidente dhe i kishte dërguar indikacionet zyrtare atij, se do të jepte dorëheqjen të hënën.
Harris gjithashtu ka deklaruar se nuk do të mbajë një fjalim lamtumire. Kujtojmë se Harris fitoi vendin si prokurore e Kalifornisë në nëntor 2016 dhe u betua në janar të vitit 2017. Pra nga janari i 2017-tës e deri tani, Harris ishte prokurore e përgjithshme e Kalifornisë.
Vendin e saj në Senat tashmë do ta marrë Sekretari i Shtetit të Kalifornisë, Alex Padilla.
Harris bëri histori gjatë gjithë karrierës së saj, duke u bërë edhe gruaja e parë me ngjyrë që shërbeu si senator në Kaliforni./Gazetareforma.com/
