Vendimi i Bashkimit Europian për imponimin e sanksioneve ndaj gjashtë zyrtarëve të lartë rusë, për rolin e tyre në helmimin e kryeopozitarit rus Aleksei Navalni, ka nxitur reagimin e Kremlinit.
Navalny, kundërshtari më i fortë i presidentit rus Vladimit Putin, u sëmur rëndë në gushtë gjatë një fluturimi në Rusi. Dy ditë më pas ai u transportua në Gjermani për të marrë ndihmën mjekësore. Sipas autoriteteve mjekësore gjermane si dhe dy laboratorëve të pavarur në Francë dhe Suedi kanë dëshmuar se Navalny u helmua me agjentitn nervor novichok.
Moska zyrtare shprehu keqardhjen e saj për vendimin e Brukselit të cilin e cilësoi të paarsyeshëm dhe si një hap të qëllimshëm armiqësor.
“Shprehim keqardhjen tonë të madhe, pqër një një veprim të qëllimshëm jo miqësor drejt Rusisë. Këshilli Europian dëmton në këtë mënyrë marrëdhëniet me vendin tonë. Moska pa dyshim do të analizojë situatën dhe do të veprojë në përputhje me interesat e saj,” deklaroi zëdhënësi i Kremlinit Dmitry Peskov, duke shtuar se vendimi është i palogjikshëm.
Lista e sanksioneve të BE-së, e cila do të hyjë në fuqi nga sot përfshinë shefin e Sigurimit Federal (FSB), Aleksandër Bortnikovin dhe dy zëvendës-ministra. Personave në fjalë do të vuajnë ndalesat në udhëtime ndërsa t’iu ngrihen asetet .
Pas njoftimit të sanksioneve, Mbretëria e Bashkuar pohoi se gjithashtu po miratonte sanksione kundër Rusisë, duke e akuzuar këtë të fundit për “sjellje të rrezikshme “.
Bashkimi Europian ka kërkuar nga Kremlini nisjen e hetimeve për çështjen Navalni ndërsa Rusia ka thënë se nuk ka prova për të mbështetur pretendimin ndërsa ka mohuar akuzat se pas helmimit është Kremlini.
/GazetaReforma.com/
