Milva Konomi do të bëhet kryetare e Bashkinë e Durrësit, denoncon Kryetari i PD-së, Lulzim Basha planin e kryeministrit Rama. Ai deklaroi se kjo bëhet për një aferë korruptive miliona eurosh.
“Për incineratorët po bëhet gati që ta shkarkojë për herë të pestë apo të 6 kryetarin e Bashkisë së Durrësit, se nuk pranon zonja që nuk ia dimë emrin se i ndërrojnë më shpesh se shefat e kadastrës së Vlorës. Nuk pranon që të firmosë një aferë qindra milionëshe për të çuar lekë tek inceneratori i Tiranës dhe po bëjnë gati Milva Konomin që të japë dorëheqjen si deputete dhe të komandohet atje. Ky është plani.”, tha Basha.
Lidhur me premtimet elektorale, Basha e sulmoi kundërshtarin e tij duke thënë se po riciklon deklaratat dhe i përmendi aferat me tenderë sekretë.
“I kemi parë këto premtime të përsëritura prej 8 vitesh dhe e kemi parë edhe përgjigjen që ka marrë. Janë premtime të bëra që në 2013, që po i bën prapë në 2020. Premtimi për heqjen e akcizës është që në 2013.
Sot premtoi që gomari fluturon, i vetmi gomar që fluturon me paratë e oligarkëve dhe nuk ndihmon njerëzit. Shqiptarët nuk i besojnë.
Çfarë masash ke marrë sot për premtimin që i ke dhënë që në mars për infermierët. Premtimet para zgjedhjeve nuk ia beson as familja e vetë, nuk ka shqiptar që t’ia besojë. Një njeri që ka thyer çdo premtim meriton vetëm tallje dhe përbuzje. Shqetësimi im është për shqiptarër që ka humbur vendin e punës.
Në kohën e pandemisë vidhte para me tendera sekretë edhe në kohën e tërmetit vidhte para. Kur e gjithë bota donte që të na ndihmonte, ky e kishte mendjen të bënte afera”.
/GazetaReforma.com/
