Kreu i Partisë Demokratike, Lulzim Basha ka vazhduar serinë e takimeve elektorale në Tiranë, këtë herë në njësinë Nr.10. Në bashkëbisedim me qyetarët Basha ka deklaruar se qytetarët janë plot shpresë për ndryshim dhe se në 25 prill do të marrin frymë lehtësisht. Ndërkohë një qytetar i ka thënë kryedemokratit se largimi i Ramës është detyrë patriotike, pasi bizneset janë duke u shkatërruar dhe jetesa është shtrenjtuar.
Basha ka mbështetur fjalën e qytetarit, ndërsa ka thënë se nëse PD nuk i mban premtimet e dhëna, nuk do të kërkojnë mandat të dytë. Lideri i opozitës deklaroi se në qeveri do të ndihmojë bizneset dhe do të rregullojnë vendin.
Pjesë nga biseda:
Lulzim Basha: Qytetarët janë plot shpresë për ndryshim. Edhe dy javë do marrim frymë lehtësisht. Të gjithë bashkë më 25 prill. Qytetarët kanë problem se nuk kanë mundësi të parkojnë.
Qytetari: Largimi i Ramës është detyrë patriotike. me Ramënn bizneset tona janë duke u shkatërruar, çmimet janë shtrenjtuar, jetesa është bërë shumë e vështirë. Rama ka dështuar dhe duam që të largohet.
Lulzim Basha: Largimi i Ramës është detyrë patriotike. Nëse ne nuk do të mbajmë premtimet që kemi dhënë, nuk duam mandat të dytë. Ne do të ndihmojmë bizneset. Ne do të japim subvencione për bizneset. Do ndreqim vendin. Mezi po e pret Shqipëria ndryshimin.
https://www.facebook.com/lulzimbasha.al/videos/504888320522927/
