Kryetarja e LSI, Monika Kryemadhi dhe Petrit Vasili kanë shkuar në selinë blu, ku po zhvillojnë një takim me kryedemokratin Lulzim Basha.
Sipas News 24 arsyeja e këtij takimi në këtë pasdite të vonë është Reforma Zgjedhore, e cila dhe 4 ditë dhe i përfundon ‘afati’ i dakordësuar mes palëve.
Më herët, Bashës i shkoi në zyrë ambasadori gjerman Peter Zingraf dhe ekspertët e Reformës Zgjedhore.
Ditën e djeshme kreu i PD-së Basha zhvilloi takim me ambasadoren e SHBA Yuri Kim teksa në selinë blu, ku biseduan kryesisht për Reformën Zgjedhore.
Diplomatja amerikane theksoi se diskutimi ishte fokusuar tek e ardhmja, dhe jo tek e shkuara, duke qartësuar 31 majin si datë për miratimin e Reformës Zgjedhore nuk është afat i vendosur nga SHBA, por nga vetë palët.
Nga ana tjetër, kreu i PD, Lulzim Basha është zotuar para ambasadores Kim se Reforma Zgjedhore do të përfundojë brenda 31 majit, duke shtuar se opozita do bëjë gjithçka që të përfundojë në këtë datë ndërkohë thotë se opozita ka qëllim që sa më parë të shkohet në kutitë e votimit dhe zgjedhësit të pandikuar nga bandat, shitblerja e votës dhe paratë e korrupsionit të zgjedhin qeverinë e Parlamentin që duan.
