Kreu i PD, Lulzim Basha ka qenë për vizitë në një familje në Mënik të Tiranës. Ai ka dëgjuar kryefamiljarin për problemet që kishte, teksa ky i fundit ka thënë se do të votojë për PD-në në 25 prill. Islam Bardhi, i cili ishte fermer, tha se nuk ka pasur asnjë ndihmë për bujqësinë. Ai u shpreh se shpreson që kjo gjë të ndryshojë, prandaj vota është shumë e rëndësishme.
Basha e ka falenderuar kryefamiljarin duke thënë se e mirëpret besimin e tij, por e konsideron edhe përgjegëjsi shumë të madhe. Kryedemokrati ka thënë se shumë socialist do votojnë për PD-në në 25 prill dhe kjo do merret si angazhim shumë serioz.
“Tani dy gjëra dua t’u them zoti Islam. E para e punës, që ti ke vendosur të votosh për ndryshimin, që ju keni vendosur të votoni për ndryshimin, sigurisht që më kënaq pa masë. Dua të të them, besoj nuk e di e ke ndjekur apo jo, janë shumë socialist që publikisht po e deklarojnë votën e tyre për ndryshim. Kjo është në radhë të parë përgjegjësia e madhe qytetare. Se njeriu përgjegjësinë më të madhe e ka ndaj familjes së vet, pastaj ndaj atdheut. Në fund të fundit, Shqipëria është e juaja, është e njerëzve, nuk i takon partive. Partive u takon që të vijnë me plane dhe të mbajnë fjalën.
Sigurisht e mirëpres besimin tuaj por e konsideroj dhe përgjegjësi shumë të madhe dhe po të garantoj sot ty dhe çdo socialist të na bashkohet dhe e di që unë nuk kam mundësi ti takoj të gjithë. Shumë po takoj por shumë socialistë që do të na bashkohen me votë për ndryshimin me datë 25 duke votuar numrin 9-të dua të ju them që ne do ta marrim këtë si një angazhim serioz për të ju përgjigjur të gjithë vëllezërve dhe motrave tona”, deklaroi Basha.
https://www.facebook.com/lulzimbasha.al/videos/823722265162942/
