Kryedemokrati, Lulzim Basha i pyetur nga mediat ka folur për protestat që do të ndërmarrë opozita e bashkuar, pas tubimit të 16 marsit.
Basha tha se protestat do të fuqizohen nga dita në ditë deri sa të arrihen zgjedhjet e lira dhe të ndershme.
“Do t’ju informojmë për çdo datë dhe për çdo zhvillim. Vendimi i kryesisë është në fuqi, këto janë takime organizative. Protestat do të vazhdojnë dhe do të fuqizohen nga dita në ditë, nga java në javë, deri sa të realizojmë atë që do çdo shqiptar. Zgjedhje të lira e të ndershme, një qeveri nga populli, për popullin dhe të popullit”-tha Basha.
