Kreu i PD-së, Lulzim Basha ka ndar në rrjetet sociale detaje nga takimi që ka zhvuilluar me delegacionin e Kongresit amerikan dhe ambasadoren Yuri Kim në selinë blu.
Basha shkruan se për Partinë Demokratike SHBA është një partner strategjik dhe bashkëpunimi i ngushtë ekonomik e politik mbetet prioritet i tyre. Më tej ai ka falenderuar zyrtarët amerikanë për mbështetjen që i kanë dhënë Shqipërisë. Basha Ndër të tjera ka thënë se i ka vënë në dije në lidhje em korrupsionin në vendin tonë, po ashtu kanë folur edhe për dialogun Kosovë-Serbi. Ai ka thënë se në këtë çështje theksi është vendosur te njohja reciproke e të dyja shteteve.
Postimi i Lulzim Bashës:
Kënaqësi të mirëprisja delegacionin e Kongresit amerikan dhe ambasadoren Yuri Kim dhe t’u shprehja mirënjohjen time dhe të PD për mbështetjen e jashtëzakonshme që SHBA i kanë dhënë Kombit shqiptar. Ndava me ta shqetësimin tonë për situatën në Shqipëri, nivelin e lartë të korrupsionit, masakrën zgjedhore dhe lidhjet e politikës me krimin. Diskutuam edhe për situatën në Kosovë dhe rajon.
Mbyllja sa më e shpejtë e bisedimeve Kosovë-Serbi me njohjen reciproke, do t’i shërbente paqes dhe stabilitetit në rajon, që sot mbetet i brishtë. Ritheksova se për mua dhe PD, SHBA janë partneri ynë strategjik dhe bashkëpunimi sa më i ngushtë ekonomik, politik dhe në fushën e sigurisë është prioritet kryesor i yni.
