Tensione në seancën plenare të ditës së sotme! Zëvendës kryeparlamentarja Ermonela Felaj iu kundërvu deputetit të PD, Asllan Dogjani. Menjëherë në krah të kolegut të tij ka dalë deputeti i Partisë Demokratike Gazment Bardhi, i cili ka replikuar me Felajn.
Bardhi iu drejtua Felajt duke i thënë të heqe dorë nga sjellja si “edukatore kopshti”, ndërsa e cilësoi veprimin për të cilin ajo akuzonte Dogjanin si “ndonjë shkelje jo aq e madhe”.
Ai vijoi duke i thënë se në këtë mënyrë ajo nuk shfaq pushtet dhe se skena të tilla ndodhin vetëm kur Felaj drejton seancën dhe jo kur atë e drejton Lindita Nikolla.
“Hiq dorë nga sjellja si edukatore kopshti. Nuk jemi në kopsht këtu. Deputetët ishin prezentë dhe nuk kishin dijeni se 7 kolegë të regjistruar në rendin e ditës ishin tërhequr. Nuk është ndonjë shkelje aq e madhe e rregullores. Skena të tilla ndodhin sa herë drejtoni ju seancën plenare, nuk ndodhin kur është kryetarja e parlamentarit. Nuk keni pushtet që drejtoni seancën, nuk është pushtet. Hiqni dorë nga kjo sjellje zonja Felaj se nuk i shkon për shtat një zonje. Kjo ju shërben vetëm juve për të na treguar sa forcë keni. Por neve nuk pyesim për këtë”, u shpreh Bardhi.
