Mendoni se banorët e Astirit do të festonin këtë fundviti? Epo gaboni. Ata edhe sot kanë dalë dhe kanë bllokuar rrugën ashtu siç kanë më shumë se dy muaj që e bëjnë, por këtë herë kanë zgjedhur një mënyrë shumë simbolike, kanë marrë një pemën e Vitit të Ri dhe e kanë vendosur në rrugë.
Opozita ashtu si pothuajse çdo ditë ka qenë e pranishme në mbështetje të tyre, por këtë herë duke vrojtuar gjestin e banorëve të dëshpëruar sepse nuk po iu jepet asnjë zgjidhje.
Ashtu siç edhe e përmendëm më lartë banorët kanë më shumë se dy muaj që bllokojnë rrugën kryesore ku është menduar të ndërtohet projekti i Unazës së Re.
Protestuesit kërkojnë anulimin e projektit ose dëmshpërblim 100 % të pronave të tyre në vlerën e tregut.
