Daily Star Sunday shkruan se bandat e Shqipërisë po e përmbysin Britaninë me kokainë të “klasit të lartë”.
Në Britaninë e Madhe është duke u kontrabanduar e quajtura ‘shampanja pluhur’ e cila është mbi 85% e pastër.
Trafikantët kanë parë një rritje të kërkesës për kokainë dhe për këtë arsye janë duke e shitur 100 paund gramin.
Në vitin 2017 numri i të vdekurve nga përdorimi i kokainës është katër herë më i lartë se në vitin 2012 duke shënuar shifrën prej 432 persona të vdekur.
Pranë një bande në Manchester, një burim i njohur si ‘shqiptarët’ është shprehur: “Ata duhet të drejtonin gjërat këtu në Londër, por tani drejtojnë dhe në Mançester, Liverpool e në të gjithë qytetet e mëdha. Ata kanë muskuj dhe fuqinë e zjarrit”.
Ndërkohë në periferi të Londrës dhe në Birmingham, një grup tjetër shqiptarësh i njohur si ‘Hellbanians’, merret me veprimtari të paligjshme.
Një prej shqiptarëve që u dënua me 25 vite burg për shitje të kokainës me një pastërti të lartë, është 33-vjeçari Erald Mema i cili përdorte korrierët e tij për të shitur kokainë në të gjithë vendin. Pasi u kap banda e tij, policia gjeti 560.000 paund dhe 10 kg kokainë.
