Komenteve dhe sulmeve të opozitës për arrestimin e Klement Balilit, i është përgjigjur dhe ministri i Brendshëm Sandër Lleshaj.
Në një status në “Twitter”, Lleshaj ironizon duke thënë se shpreh ‘mirëkuptim për mizën nën kësulë’, ndërsa thekson se Balili ka llogari të hapura jo vetëm me drejtësinë shqiptare por edhe të vendeve të tjera.
“Për ata që janë hutuar nga arrestimi i Balilit dhe mundohen të hutojnë të tjerë: Mirëkuptim për mizën nën kësulë, por Balili ka llogari të hapura jo vetëm me drejtësinë shqiptare, po edhe atë të vendeve të tjera 🇺🇸🇪🇺
Sa keq, opozitarët përqeshin, partnerët duartrokasin!”, shkruan Lleshaj.
