Një protestë kundër vaksinimit me detyrim po zhvillohet çdo të shtunë në kryeqytet. Së fundmi në lidhje me këtë ka folur edhe avokati i njohur Altin Goxhaj. Ai i ftuar në studion e Fax News, ka ftuar të gjithë qytetarët që t’i bashkohen protestës, pasi sipas tij pandemia ka një plan për të ulur numrin e popullsisë.
Goxhaj ndër të tjera ka shtuar se pas 10 vitesh popullsia do të jetë 4 herë më pakë, pra sipas tij do të jetë 2 miliardë në të gjithë botën.
“Në protestë pjesëmarrja nuk ishte në pritshmërinë që kemi. Nuk ka dokumente për vaksinimin e detyruar, ka vetëm deklarata nga Komiteti i Ekspertëve, nuk ka asnjë dokument të shkruar për “vaksinim të detyruar”, sepse këto janë krime kundër njerëzimit dhe nuk mund të firmosin dot sepse kanë frikë. Njerëzit do të rezistojnë dhe nuk do të vaksinohen. Një mësues që është i pavaksinuar duhet parë nëse nesër do ta lënë ose jo të futet në shkollë. Sipas ligjit ata kanë frikë për të dhënë dokumente për të urdhëruar vaksinën. Doza e vaksinës fut në trup diçka që nuk e dimë, një sasi të konsiderueshme metali.
Me vaksinën këta duan të heqin qafe njerëzit që kanë fuqi riprodhuese, pra moshat e reja që e mban gjallë popullsinë. Nga 7 miliard këta duan të pakësojnë botën në vetëm 2 miliard.
3 milion shqiptarët kanë një skenar për tu hequr qafe gjatë vaksinës së parë të dytë dhe të tretë. Doza e parë dhe e dytë ka 20 përqind substancë të paditur dhe nuk të jep askush të bësh kërkim, qeveritë e kanë firmosur. Këta duan t’ia bëjnë fëmijëve duke iu shmang argumenteve”, u shpreh Goxhaj për Fax News.
