Prokuroria e Psaçme, SPAK ka marrë në dorë çështjen e atentatit me breshëri plumbash të ndodhur në Milot, ku mbeti i vrarë Klisman Preçi dhe u plagos Ylli Brahimi. Më herët prokuroria e Kurbinit e klasifikoi atë si një atentat të kryer nga një grup kriminal. Sipas burimeve mësohet se dosja e kësaj çështje është tërhequr nga prokurori i SPAK Altin Dumani para një jave dhe po kryhen veprimet e nevojshme nga organi i lartë.
SPAK po kalon në sitë të gjithë kundërshtarët e Ylli Brahimit që besohet se ishte shënjestër e atentatit. Brahimi, mik i Ervis Martinajt, udhëtonte me një makinë të blinduar, ndërsa ra pre e atentatit, por fatmirësisht arriti t’i mbijetonte plumbave. Mësohet se bëhet fjalë për një grup shumë të fuqishëm kriminal në zonën e Laçit dhe dyshohet se ngjarja ka ndodhur më 22 korrik për prishje të pazareve në aktivitet e tyre kriminale kohëve të fundit.
Ky atentat nuk ishte i pari për viktimën pasi vetëm 2 muaj më parë Preçit (Viktima) bashkë me kushëririn e tij, Blerim Preçi i shpëtuan një atentati teksa udhëtonin me një Benz ML dhe u qëlluan nga një “Audi” e zezë.
Ndërkohë kujtojmë se pak ditë më parë një denoncim për humbjen e kontakteve me Ervis Martinajn u bë nga familjarët.
