Në rrjet është duke qarkulluar me shpejtësi një tjetër video para atentatit ndaj Donald Trump, e filmuar në një kënd tjetër, pamje të cilat vënë në pikëpyetje hetimet për këtë ngjarje.
Në video shihet se qytetarët kanë parë 20-vjeçarin Thomas Matthew Crooks teksa është ngjitur në çatinë nga ku ka qëlluar drejt ish-presidentit amerikan.
“Ai po ngjitet në çati, e shihni? A është shtrirë?”, “ta shohim, është shtrirë” dëgjohen të thonë qytetarët. “Policia këtu, është dikush në çati”, bërtet dikush me uniformë.
View this post on Instagram
Shërbimi Sekret i Shteteve të Bashkuara po heton se si autori i atentatit ndaj ish-Presidentit Donald Trump arriti të afrohej aq pranë saqë arriti të hapë zjarr dhe ta plagosë atë me një armë të stilit AR të shtunën në Pensilvani. Ngjarja po konsiderohet si një dështim i thellë i agjencisë.
Crooks u vra nga personeli i Shërbimit Sekret. Ai ishte vetëm 150 metra larg vendit ku po fliste ish-Presidenti Trump kur hapi zjarr.
Nga ngjarje mbeti i vrarë dhe një person që ishte në tribunën e mbështetësve të Trump si dhe u plagosën rëndë dy të tjerë. Megjithatë ndonëse ishte më i rrezikuari, për habi ish-presidenti shpëtoi me një gërvishtje në vesh. Disa media ndërkombëtare spekulojnë se Trump mund të ketë qenë në dijeni të kësaj ngjarje e cila ngre shumë pikëpyetje.
