GJKKO ka marrë vendimin në lidhje me të akuzuarit për atentatin ndaj prokurorit Arjan Ndoja, ngjarje e ndodhur më 1 nëntor 2019. Gjykata e Posaçme la në burg Bashkim Haxhijan, Marsel Deçkën, Endrit Sinanin dhe Genti Ndërjakun, i njohur edhe me emrin Kili Ndërjaku.
Sipas organit të posaçëm të akuzës,SPAK, atentati ndaj prokurorit Ndoja në autostradën Durrës-Tiranë, pranë mbikalimit të Sukthit, u organizua dhe finalizua nga një grup I strukturuar criminal, I cili përbëhej nga 11 persona.
Krahas Redjan Rrahjes dhe Arjol Halilaj, nga 9 bashkëpunëtorët e tjerë 5 kanë marrë masën e sigurisë arrest me bug dhe 4 u shpallën në kërkim. Në kërkim është Plarent Dervishaj, ku sipas SPAK, është një nga organizatorët, Julian Meçaj, Ramazan Rraja dhe një shtetas me inicialet A.SH.
Sipas saj urdhrat e arrestit për këta persona janë firmosur në muajin nëntor dhe dhjetor të vitit 2022 dhe janë mbajtur sekret, pasi prokurorët sipas informacioneve që kishin rezultonte se eksponentët e kësaj ngjarjeje që janë shpallur në kërkim ishin duke diskutuar për t’u kthyer në Shqipëri.
Por më pas Prokuroria e Posaçme, duke vlerësuar se kishte kaluar një kohë e gjatë dhe mund të kishte ngjarje të tjera kriminale, prokuroria ka vendosur që të bëjë publik aksionin dhe të arrestojë 5 personat që sot dolën për masë sigurie.
Për shkak se 4 personat e shpallur në kërkim, sipas SPAK janë jashtë vendit, është bashkëpunuar edhe me autoritete e huaja me qëllim arrestimin dhe ekstradimin e tyre drejt vendit tonë.
