Policia ka zbardhur atentatin ndaj shtetasit Inez Hajrulla, ngjarje kjo e regjistruar te “Uji i ftohtë” në Vlorë 6 muaj më parë.
Në pranga kanë rënë katër persona me iniciale D.E., A.G., D.S. dhe A.A.
Këta shtetas akuzohen se kanë tentuar të vrasin më 10 maj, 27-vjeçarin.
Ata e qëlluan me armë zjarri kur i riu ndodhej në makinën e tij.
Më pas Hajrulla iu kundërpërgjigj, edhe me ndihmën e personave të tjerë, që ndodheshin me të në makinë.
Si pasojë e të shtënave u plagos edhe një këmbësor.
Inez Hajrulla u arrestua më 4 qershor, por më 23 korrik u lirua nga Gjykata e Vlorës.
Ky organ doli në konkluzionin se arma e gjetur në vendngjarje nuk mund të qëllonte.
Inez Hajrulla është person me precedentë të shumtë penal, si trafik droge, vrasje apo grabitje.
Ai konsiderohet një person me rrezikshmëri të lartë dhe i ka shpëtuar dy atentateve.
Më 27 nëntor të 2017-ës, ai humbi këmbët pas një shpërthimi tritoli në makinën e tij “Jeep”.
Inez Hajrulla është nipi i biznesmenit Robert Hajrulla dhe njihet ndryshi si “ Ini i Çones”.
