Një ngjarje e rëndë, me pasojë vdekjen e një personi ka ndodhur këtë pasdite në qytetin e Elbasanit. Një person ka mbetur i ekzektutuar me armë zjarri brenda makinës së tij.
Mësohet se ngjarja është regjistruar në lagjen “28 nëntori” të këtij qyteti, rreth orës 16:45.Viktima është identifikuar si Emiliano Ramazani 39 vjeç me precedent të mëparshëm penal në fushën e narkotikëve.
Persona të paidentifikuar janë afruar në mjetin ku po qëndronte Ramazani, që njihet ndryhse si “Rramami”, dhe e kanë qëlluar atë me breshëri, nga një tjetër mjet në ecje.
Ndërkohë autorët e ngjarjes janë larguar në drejtim të Bardashit, pranë fshatit Vidhaz , ku dhe kanë djegur makinën e përdorur në atentat. Mjeti ”Ford Magane” kishte targën AA 819 KX e cila rezulton e vjedhur në Tiranë. Nga ky automjet pak çaste më parë autorët qëlluan me 5 plumba Emiljano Ramazanin duke e lënë të vdekur.
Njoftimi i policisë
Elbasan/Informacion paraprak
Në Elbasan, në vendin e quajtur “Rrethrrotullimi i luleve”, në rrethana ende të paqarta është vrarë me armë zjarri shtetasi E. R. 39 vjeç
Autorët dyshohet se janë larguar me shpejtësi në drejtim të aksit rrugor Bradashesh-Paper, në një ullishte i kanë vënë zjarrin mjetit dhe janë larguar në kodrat përballë Paperit. Shërbimet e Policisë janë vënë në ndjeke të autorëve, po bëhet rrethimi i zonës nga dyshohet se mund të jenë larguar autorët, si dhe janë ngritur menjëherë pika kontrolli në akset rrugore Elbasan-Rrogozhinë, Elbasan-Tiranë dhe Elbasan-Belsh.
Në ndihmë të Policisë lokale janë nsiur FNSH dhe RENEA, si dhe një grup specialistësh të Departamentit të Policisë Kriminale.
Grupi hetimor ndodhet në vendngjarje dhe po punon për fiksimin e çdo prove të mundshme që do çojë në zbardhjen e ngjarjes, identifikimin dhe kapjen e autorëve. Nën drejtimin e Prokurorisë vijon puna për zbardhjen e plotë të rrethanave të ngjarjes.
