Ata duan protestë me kryetar, sepse kryetarin mund ta kapin

Një protestë pa pronar është makthi i çdo pushteti.

Nuk ka kujt t’i telefonosh. Nuk ka kujt t’i premtosh një vend. Nuk ka kujt t’i thuash “ule tonin”. Nuk ka kë ta lodhësh, ta trembësh, ta ftosh në tavolinë dhe pastaj ta përdorësh si vulë për mbylljen e protestës.

Prandaj po kërkojnë “përfaqësues”.

Jo për të dëgjuar qytetarët.

Por për t’i dhënë protestës një kokë që mund ta kapin.

Një turmë e lirë është e vështirë për t’u kontrolluar. Një kryetar, një këshill, një mikrofon, një emër në studio janë shumë më të lehtë për t’u menaxhuar.

Kjo është arsyeja pse çdo emër i vetëshpallur duhet refuzuar.

Kushdo mund të flasë si qytetar.

Askush nuk mund të flasë si pronar.

Protesta nuk ka nevojë për kryetar. Ka nevojë për kërkesa të qarta, për prani masive, për durim dhe për qytetarë që nuk lejojnë askënd ta shesë zemërimin e tyre si marrëveshje.

Më 4 korrik, mandati është vetëm në shesh.