Në Kosovë situata e koronavirusit duket se po shkon drejt përmirësimit pasi prej disa javësh numri i rasteve të reja pozitive ka rënë e bashkë me të edhe numri i personave që humbin jetën nga ky virus.
Kështu gjatë 24 orëve të fundit, janë testuar gjithsej 711 mostra të marra nga ShSKUK dhe gjurmimi i kontakteve të rasteve në terren, prej të cilëve rezultojnë 33 raste pozitive.
Numri total i rasteve pozitive është 15.971 raste nga 73.287 persona të dyshimtë në virusin SARS-CoV-2 dhe 638 raste të vdekjes.
Rastet pozitive janë nga komuna Prishtinë 14 raste, komuna Gjilan 3 raste, komuna Mitrovicë 3 raste, komuna Viti 3 raste dhe me nga një rast komunat Ferzaj, Fushë Kosovë, Gjakovë, Hani Elezit, Kamenicë, Klinë, Pejë, Skenderaj, Suharekë dhe Vushtrri.
Gjatë 24 orëve të fundit, janë shëruar 46 pacientë derisa numri i përgjithshëm i të shëruarve deri më sot është gjithsej 14.189 raste, kurse numri i rasteve aktive është 1.144.
Ndërkohë nuk është shënuar asnjë humbje jete nga COVID-19 edhe në 24 orët e fundit.
