Shumë qytetarë protestues dhe artistë qëndrojnë në sheshin e Teatrit Kombëtar, pasi sot është njoftuar shembja e tij.
Shumë prej tyre së bashku me kreun e Partisë Demokratike, Lulzim Bashën kanë hyrë në ambientet e Teatrit Kombëtar , nga disa dritare të tij, në pjesën anësore të godinës.
Madje Basha ka postuar edhe foto nga ambientet e brendshme të teatrit në faqen e tij zyrtare.
“Brenda Teatrit Kombetar ku Banda e Edi Ramës kishte nisur çmontimin. Aleanca per Teatrin dhe qytetaret i larguan dhe u futen brenda. Krenar per forcen e qytetareve te bashkuar!”, shkruan Basha.
Lidhur me ngjarjen, pak minuta më parë reagoi edhe presidenti Ilir Meta.
Ai i ka bërë thirrje policisë që të respektojë artistët. Meta e ka cilësuar një ngjarje të shëmtuar dhe të turpshme këtë që po ndodh, pasi artistët e qytetarët janë në mbrojtje të vlerave të trashëgimisë sonë historike, kulturore e kombëtare.
