Policia e Dibrës ka arrestuar dy persona pasi mbi ta rëndon akuza për “Dhunë në familje”. Në pranga ka rënë K.Ll, 35 vjeç, pasi ka ushtruar dhunë dnaj motrës së tij. Dhe gjithashtu akuzohet për “Veprime në kundërshtim me vendimin e Gjykatës”, pasi ka shkelur urdhrin e mbrojtjes që motra e tij kishte.
Po ashtu është arrestuar shtetasi D.S., 43 vjeç, i cili ishte shpallur në kërkim po për veprën penale “dhunë në familje”.
Njoftimi i policisë:
DVP Dibër
Mat/Ushtroi dhunë fizike ndaj motrës së tij dhe e kërcënoi atë, vihet në pranga 35-vjeçari.
Në Dibër kapet dhe ndalohet një shtetas i shpallur në kërkim për “Dhunë në familje”.
Nga specialistët për Hetimin e Krimit në Komisariatin e Policisë Mat u bë arrestimi i shtetasit K. LL., 35 vjeç, banues në Klos, për veprat penale “Dhuna në familje” dhe “Veprime në kundërshtim me vendimin e Gjykatës”, pasi ka ushtruar dhunë fizike ndaj motrës së tij dhe e ka kërcënuar atë, duke shkelur detyrimet e përcaktuara në urdhrin e mbrojtjes që kishte ajo.
_
Nga shërbimet e Komisariatit të Policisë Dibër u bë kapja dhe ndalimi i shtetasit D. S., 43 vjeç, banues në Lurë, Dibër, i shpallur në kërkim nga Komisariati i Policisë Durrës për veprën penale “Dhuna në familje”.
Materialet procedurale i kaluan Prokurorisë, për veprime të mëtejshme.
