Arrestohen 14 protestues, goditën policët me sende të forta

Pas protestës së djeshme të thirrur nga opozita, policia e Tiranës ka arrestuar 14 protestues, të cilët akuzohen se kanë goditur efektivët e policisë me sende të forta.

Protestuesit e akuzuar janë kapur nga kamerat e sigurisë duke kryer veprën penale për të cilën akuzohen.

Dje policia shoqëroi 20 protestues, por pas marrjes në pyetje dhe verikimeve 14 prej tyre u është komunikuar arresti, ndërsa pritet të dalin para gjykatës për t’u njohur me masën e sigurisë.

Ndërkohë burime nga policia bëjnë me dije se ish-deputeti i PD Luan Baçi dhe i biri po hetohen në gjendje të lirë.

Po kështu vijojnë shoqërimet dhe verifikimet edhe nga policitë në qarqe.