Një gjykatë italiane ka pezulluar çështjen në lidhje me ekstradimin e ish-udhëheqësit katalanas Carles Puigdemont, në pritje të një vendimi nga Gjykata Evropiane e Drejtësisë, sipas avokatit të tij.
Vendimi i së hënës erdhi pasi Puigdemont u arrestua më 23 shtator në Sardenjë nga oficerët që vepronin sipas një urdhër -arresti evropian të lëshuar nga Spanja.
Puigdemont, 58 vjeç, kishte mbërritur në ishullin mesdhetar nga shtëpia e tij në Belgjikë për të marrë pjesë në një festival kulturor katalanas me ftesë të një lëvizjeje separatiste të Sardenjës. Ai u lirua nga një gjykatës një ditë më vonë në pritje të seancës së ekstradimit të së hënës.
Avokati italian i Puigdemont, Agostinangelo Marras, u tha gazetarëve se një vendim për ekstradimin në Spanjë, ku ai akuzohet për kryengritje, është në pritje për dy pyetje që tashmë janë duke u shqyrtuar nga gjykatat evropiane. Por ai tha se klienti i tij do të jetë në gjendje të udhëtojë si të dojë ndërkohë.
“Ai është absolutisht i lirë”, tha avokati italian i Piugdemont, Agostinoangelo Marras, për The Associated Press.
Gjykata italiane së pari dëshiron të shohë se si gjykata e përgjithshme e Bashkimit Evropian do të vendosë mbi apelin e Puigdemont për heqjen e imunitetit të tij si anëtar i Parlamentit Evropian në fillim të këtij viti. Së dyti, gjykata italiane do të presë për të parë nëse Gjykata e Drejtësisë e Bashkimit Evropian vendos se Gjykata e Lartë Spanjolle ka autoritetin për të kërkuar ekstradimin e tij, pasi një gjykatë belge tha në janar se nuk e kishte bërë.
