Ka reaguar kryeministri Edi Rama pas ndalimit të katër personave, të cilët dyshohen si të implikuar në grabitjen e parave në aeroportin e Rinasit.
Sipas shefit të qeverisë, ndalimi i tyre është një zhvillim inkurajues, i cili më pas do t’i hapë rrugë arrestimit të të gjithë personave të tjerë për ngjarjen e 9 Prillit.
Ndër të tjera ai kometoi dhe kritikat që janë bërë këto ditë ndaj Policisë së Shtetit, ndërsa pohon se sa më shumë baltë të hidhet drejt tyre, kjo e fundit duhet të japë përgjigjen duke rritur forcën e saj goditëse ndaj krimit.
“Ndalimi i 4 personave të përfshirë në grabitjen e aeroportit, një zhvillim inkurajues në rrugën e ndalimit dhe ndëshkimit ligjor të të gjithë autorëve të krimit Policia e Shtetit duhet të provojë përditë se sa më shumë sulmohet e baltoset,aq më shumë rritet forca e saj goditëse,” -thekson Rama.
Policia konfirmoi sot të arrestuarit, të cilët janë: Oltian Veseli, Alkon Bengasi, Renaldo Sula, dhe Saimir Çela, të cilët dyshohen se janë të përfshirë në grabitjen e Rinasit, më 9 prill.
