Ditën e sotme Gjykata e Posaçme për Korrupsionin dhe Krimin e Organizuar u ka komunikuar masat e sigurisë zyrtarëve të Kadastrës së Tiranës që u arrestuan sit ë dyshuar për korrupsion dhe ushtrim ndikimi të paligjshëm. Për zyrtarë e arrestuar masat e sigurisë vijojnë si më poshtë:
Panol Atnikolla është pezulluar nga detyra si punonjës i hipotekës
Admir Burri arrest me burg për “Ushtrim ndikimi”
Neritan Balbusha arrest me burg për “Ushtrim ndikimi”
Gazmend Cani, arrest burg për “Ushtrim ndikimi”
Operacioni i koduar “Ndërmjetësi” u mbajt në zyrat e Kadastrës së Tiranës në 26 korrik, pasi SPAK kishte nisur prej muajsh hetimet. Deri tani janë arrestuar tre persona dhe mbi ta rëndojnë akuzat për veprat penale “Korrupsioni pasiv i personave që ushtrojnë fuksione publike”, “Ushtrimi i ndikimit të paligjshëm ndaj personave që ushtrojnë fuksione publike”, “Korrupsioni aktiv i personave që ushtrojne fuksione publike”.
Ndërkohë, janë vendosur nën hetim dy zyrtarë të tjerë. Ata janë B.H, 59 vjeç dhe G.B, 58 vjeç dhe dyshohen për veprën penale “Korrupsioni aktiv i personave që ushtrojnë funksione publike”.
Lidhur me këtë çështje është shpallur në kërkim edhe shtetasi I.A., për të cilin Gjykata ka vendosur masën “Detyrimi për t’u paraqitur në policinë gjyqësore”, pasi dyshohet për ushtrim ndikimi të paligjshëm
