Gjykata e Tiranës ka dhënë ditën e sotme masën “arrest me burg” për 73-vjeçari Ndue Prenga, i cili plagosi me thikë gruan e tij në shtëpinë e tyre në Kamëz.
73-vjeçari Prenga deklaroi para togave të zeza se ngjarja ka ndodhur aksidentalisht dhe motiv ka qenë një konflikt për një çelës të shtëpisë.
“Ngjarja ka qenë aksidentale dhe konflikti ka ndodhur për një çelës dere. Ajo ka qenë duke larë enët dhe në debat e sipër jemi zënë. Gjatë konfliktit kemi ardhur vërdallë nëpër shtëpi. Gjatë rrokullisjes ka ndodhur edhe vetëplagosja e saj, pasi më parë më foli me fjalë shumë të pista”, u shpreh ai.
Ngjarja ndodhi pas një konflikti në familje. Ndue Prenga 73-vjeç, pas një sherri, ka qëlluar bashkëshorten e tij me mjet prerës.Gruaja u transportua menjëherë në spital, e ndodhet tashmë në gjendje të rëndë për jetën.
I moshuari sapo ka parë se në banesë ishte afruar policia, ka tentuar të arratiset.Mirëpo, ai u prangos nga forcat policore dhe pritet të dërgohet në burg.Dyshohet se ngjarja ka ndodhur për motive të dobëta.71-vjeçari ka qenë i dënuar edhe më parë, për vepra të rënda të krimeve ndaj personit.
