Në një kohë që pandemia e koronavirusit ka përfshirë dhe izoluar gjithë Europën, njerëzve të zakonshëm u janë kufizuar liritë e lëvizjes, por jo trafikantëve.
Duket se gjatë kësaj kohë që ka qenë “qetësi”, trafikantët e armëve kanë bërë “namin” me shitje, madje edhe me dërgesa postare.
Kjo gjë, ka aktivizuar Europolin që të nisë një operacion në shkallë të gjerë, ku edhe Shqipëria u rendit përkrah 25 shteteve, për të luftuar trafikun e armëve me porosi postare.
Operacioni policor ndërkombëtar i drejtuar nga “Europol” u kodua “ARMSTRONG VII”
Mbi 42.000 ambiente doganore u kontrolluan dhe qindra armë u sekuestruan si pjesë e një operacioni të përbashkët që synonte trafikimin e armëve të zjarrit në vendet e BE-së përmes shërbimeve postare dhe korrierëve.
Kontrollet janë zhvilluar nga 16-20 nëntorit, dhe në të janë përfshirë policia dhe autoritetet doganore nga 26 vende, Austria, Shqipëria, Bullgaria, Qiproja, Republika Çeke, Gjermania, Danimarka, Estonia, Greqia, Spanja, Finlanda, Franca, Hungaria, Irlanda, Lituania, Luksemburgu, Holanda, Portugalia, Rumania, Suedia, Mbretëria e Bashkuar, Zvicra, Norvegjia, Maqedonia e Veriut dhe Shtetet e Bashkuara.
Gjatë javës së veprimit, autoritetet policore dhe doganore në vendet pjesëmarrëse kryen kontrolle të zgjeruara të ambienteve doganore të dyshimta dhe dërgesave postare.
U përfshinë në operacion 416 oficerë të cilët kanë zhvilluar 42.124 kontrolle.
Si rezultat u sekuestruan 6 armë zjarri, 13 pjesë të armëve të zjarrit, 600 municion dhe 297 armë të tjera (thika, llak, piper, tesera etj)
Hetimet janë koordinuar nga Europol dhe Komisioni Evropian – DG për Tatimin dhe Bashkimin Doganor (TAXUD) dhe DG Migracionit dhe Punëve të Brendshme (HOME) dhe Partia e Bashkëpunimit Doganor (CCËP).
Kjo fazë operacionale u parapri nga një fazë e inteligjencës, në të cilën Europol dhe DG TAXUD zhvilluan tregues të rreziqeve, përfshirë ato që lidhen me blerjet përmes rrjetit të errët në mënyrë që të rritnin nivelet e suksesit të kontrolleve të parcelave gjatë javës së veprimit.
Ky operacion u zhvillua në kuadrin e Platformës Evropiane Multidisiplinare Kundër Kërcënimeve Kriminale (EMPACT) dhe zbaton planin e veprimit të BE-së për trafikimin e armëve të zjarrit 2020-2025 të miratuar nga Komisioni Evropian në Korrik 2020.
/GazetaReforma.com/
