Prezantuesi i njohur Ardit Gjebera nuk ka mundur t’i shpëtojë dot infektimit me koronavirus. Lajmin e ka bërë vetë ai të ditur duke thënë në një postim në rrjetet sociale se është pozitiv prej dy ditësh. Arditi ka thënë se nuk ka temperaturë shumë të lartë, por sa kohë po qëndron mbyllur në shtëpi, mendon vetëm për punën. Ai gjithashtu ka njoftuar se emisioni i përjavshëm “E diela shqiptare” do të zhvillohet, por ai do të jetë duke moderuar virtualisht nga shtëpia.
Postimi i Ardit Gjebreas:
“Dita e dytë pozitiv. Nuk po obobo hem me temperaturë jo shumë të lartë. E ç’mund të bëjë njeriu i mbyllur në shtëpi? Mendon gjithmonë për punën dhe në fakt me gjithë vështirësitë që na përballi koha na zhvilloi instiktin e gjetjes së alternativës që në këtë rast do të thotë. E diela shqiptare do të zhvillohet të dielën, sigurisht bashkë por nga shtëpia”, shkruan prezantuesi.
Kujtojmë që situata nga COVID-19 në vendin tonë paraqitet mjaft e rënde, ku vetëm në 24 orët e fundit janë regjistruar 1143 raste pozitive dhe kanë humbur jetën 15 persona. Ditën e djeshme u arrit shira më e lartë e infektimeve që prej fillimit të pandemisë me plot 1239 të infektuar ne 24 ore.
