Komisioni i Ankesave dhe Sanksioneve ka hedhur poshtë kërkesën e LSI për të marrë prova nga institucionet shtetërore për emigrantët e penguar të votojnë. Po ashtu është rrëzuar kërkesa e PD-AN për marrjen e provave shtesë nga institucionet shtetërore si policia, prokuroria etj. KAS nuk ka pranuar me shumicë votash edhe kërkesën e kandidatit të mbështetur nga Vetëvendosje, Kreshnik Mexhani.
Ndër të tjera, provat që palët kanë sjellë do pranohen për shqyrtim, ndërsa në 14 maj do të shqyrtohen ankesat për qarkun e Beratit.
“Çelim sërish seancën për shqyrtimin e kërkesave, 33;43;52, për kërkesën e Lëvizjes Socialiste për Integrim, koalicion Partia Demokratike – Aleanca për Ndryshim dhe Kreshnik Merxhnai. KAS u tërhoq. Të gjitha provat që kanë sjellë palët do të pranohen për shqyrtim. Përkatësisht u vendos rrëzimi me shumë votash të LSI-së në lidhje me provat që kërkon të merren. Përsa i përket emrave që pretendon se kanë qenë komisioner i kërkojmë të na vënë në dispozicion pamjet që të shihet nëse kanë qenë pjesë e administratës së KAZAZ. Në lidhje me kërkesën e PD-AN, u vendos rrëzimi i kërkesave për marrjen e provave që kërkon ky subjekt. Dy anëtarë të KAS në zbatim të nenit përkatës kërkojmë që brenda afatit të na vihet në dispozicion në lidhje me kryqëzimin e informacionit të pajisjes PEI të qarkut Gjirokastrës. Edhe për Kreshnik Merxhanin u vendos rrëzimi i kërkesës. Duke qenë se do presim provat që kërkohen nga administrate, do pezullohet procesi deri në marrjen e provave. Më datë 14 maj 2021, në ora 10:00, do të nisë shqyrtimi i kërkesave ankimore për qarkun e Beratit, kërkesave të LSI-së, kërkesës së PD-AN”, u tha në mbledhje.
