Një gjykatë në Rumani ka aprovuar ekstradimin e influencerit në media sociale Andrew Tate dhe vëllait të tij Tristan në Mbretërinë e Bashkuar pas akuzave për agresion seksual që datojnë nga viti 2012-2015, raporton SkyNews. Policia e Bedfordshire-it, në bashkëpunim me autoritetet rumune, po heton akuzat kundër Andrew-s, 37-vjeç, dhe vëllait të tij Tristan, 35-vjeç. Përderisa të dy ata mohojnë të gjitha pretendimet, u ndaluan dhe u paraqitën në gjykatën e apelit në Bukuresht ku u vendos që ata do të ekstradoheshin pas përfundimit të proceseve ligjore në Rumani. Edhe pse u liruan nga policia, hetimi vazhdon. Një avokat që përfaqëson katër gra që akuzojnë Tate-n për dhunë seksuale dhe sulme seksuale lajmëroi policinë britanike, duke shkaktuar arrestimin e Tate në Rumani. Vëllezërit, të cilët përballen me akuzat për dhunë seksuale dhe trafikim të qenieve njerëzore në Rumani, ishin më parë në arrest shtëpie që nga dhjetori i vitit 2022. Tate, i njohur për prezencën e tij në media sociale, ka përballur ndalime në platforma të ndryshme për shkak të pikëpamjeve të tij kontroverse.
Thyen arrestin shtëpiak, drejtoresha e Ministrisë së Brendshme tenton t’i djegë makinën ish-partnerit, pasi më herët i kishte djegur krevatin
Drejtoresha e Politikave të Migracionit, Azilit dhe Antitrafikut në Ministria e Brendshme, Alma Bime, është arrestuar sërish nga Policia e...
