Ambasadorja amerikane Yuri Kim është infektuar me koronavirus. Lajmin e ka bërë ajo vetë të ditur në një postim në Twitter ku njofton se është testuar positive. Kim shkruan se ajo do të karantinohet në shtëpi për ditët në vijim, ku do të kryej edhe detyrat e saj. Ambasadorja nuk ka bërë të ditura detaje të shumta për simptomat dhe gjendjen e saj, por ka falenderuar njerëzit që e kanë uruar për shërim të shpejtë dhe bën thirrje që të gjithë të qëndrojnë vigjilent për shëndetin.
Postimi i ambasadores në Twitter.
‘Miq më duhet të ju bëj të ditur se jam testuar pozitive me Covid-19. Unë do ti vazhdoj ti kryej detyrat e mia, në karantinimin që do të bëj në shtëpi për ditët në vijim.
Faleminderit për urimet tuaja dhe ju lutemi qëndroni vigjilent për shëndetin tuaj!’, shkruan ambasadorja Kim në mesazhin e saj në Twitter.
Kujtojmë se një ditë më parë ambasadorja amerikane ka qenë në një vizitë në Durrës ku ka pasur takime të shumta. Nuk dihet nëse ambasadorja e ka marrë aty virusin apo ka qenë e infektuar më parë.
Kujtojmë që grumbullimet janë ndaluar në vendin tonë me qëllim uljen e numrit të rasteve, por shumë politikanë dhe zyrtarë të huaj nuk e kanë marrë parasysh një gjë të tillë duke mbajtur vazhdimisht takime.
