Ambasadorja Yuri Kim ka bërë thirrje për SPAK që të hetojë ata që shkelin ligjin dhe pengojnë të drejtën e qytetarëve për të votuar lirshëm. Kim ka shpërndarë raportin që SPAK publikoi sot në lidhje me rastet e denoncuara për blerjen e votës.
“Ne e nxisim SPAK-un të ndjekë penalisht ata që shkelin ligjin dhe pengojnë të drejtën e qytetarëve për të votuar lirshëm dhe në paqe. Kjo përfshin ata që merren me blerjen e votës, frikësimin ose nxitjen e dhunës. SPAK po heton në mënyrë aktive për krimet e zgjedhjeve. Raporti i plotë sotIndeksi i prapambetur duke treguar https: // spak.al/2021/04/23/njo ftim-23 / …”, shkruan ambasadorja Kim.
We urge SPAK to prosecute those violating the law & obstructing citizens’ right to vote freely & in peace. This includes those engaged in vote-buying, intimidation, or inciting violence. SPAK is actively investigating election crimes. Full report today👇 https://t.co/K67WPwe5bJ
— U.S. Ambassador to Albania (@USAmbAlbania) April 23, 2021
SPAK bëri me dije sot se janë paraqitur 91 materiale të ndara sipas subjekteve që i kanë paraqitur.
- Subjekte politike 55 raste, kallëzime (PD – 50; LSI – 3; PS – 1; FRD – 1)
• Policia gjyqësore 10 raste, referime.
• Prokuroritë e Rretheve Gjyqësore 4 raste, procedime penale.
• Shtetas 4 raste, kallëzime.
• Institucioni i Presidentit të Republikës 18 raste, informacione.
Prokuroria e Posaçme Kundër Korrupsionit dhe Krimit të Organizuar njofton se për të gjitha rastet që është filluar procedim penal policia gjyqësore nën drejtimin e prokurorëve të posaçëm është duke kryer të gjitha veprimet e nevojshme hetimore me qëllim sqarimin e plotë të fakteve të kallëzuara dhe vënien para përgjegjësisë penale të personave ndaj të cilëve do provohet përfshirja në korrupsion aktiv apo pasiv në zgjedhje.
