Ambasada amerikane në Tiranë ndjek nga afër procesin e rekrutimit të kandidatëve që do të punojnë në radhët e Byrosë Kombëtare të Hetimit.
Pas mbylljes se fazës së radhës të përzgjedhjes së kandidatëve për Byronë Kombëtare të Hetimit, Ambasada e SHBA ka bërë një shënim në rrjetet sociale.
Ambasada përshëndet kandidatët që fituan për në raundin e radhës. Në postim shënohet se jo të gjithë ia dolën ta kalonin fazën “pasi procesi është i vështirë, por i nevojshëm për të gjetur më të mirët e Shqipërisë.”
Kandidatët e kualifikuar, më 26 tetor do t’i nënshtrohen Testit të Esesë me shkrim në Pallatin e Kongreseve.
“Urime kandidatëve të cilët kaluan në raundin tjetër të procesit së përzgjedhjes për Byronë Kombëtare të Hetimit. Jo të gjithë ia dolën sepse procesi është i vështirë, por i domosdoshëm, për të gjetur më të mirët e Shqipërisë”, shkruan ambasadorja e ShBA, Juri Kim.
/GazetaReforma.com/
