Ditën e sotme ish-deputeti i Partisë Socialiste Alqi Bllako pritet të dalë para Gjykatës. Ai do të njihet me masën e sigurisë në orën 11:00, po ashtu edhe avokati i tij mbrojtës do të nisë betejën për t’ia ndryshuar këtë masën arrest me burg që iu dha në mungesë. Fillimisht u raportua se Bllako u vetëdorëzua, më pas u aludua se ishte arratisur nga Shqipëria. Mirëpo me anë të një sqarimi, SPAK deklaronte se arrestimi i Bllakos është bërë në orën 03:30 të mëngjesit të djeshëm, fakt ky që bie në kundërshti më atë të policisë, që deklaroi se ish-deputeti ishte prangosur një natë më parë e që nga mbrëmë ndodhej në Drejtori të Policisë së Tiranës.
Ish-deputeti socialist akuzohet për shpërdorim detyre dhe korrupsion, lidhur lidhje me aferën e inceneratorit të Fierit. Bllako shkoi në drejtorinë e Tiranës rreth orës 2:15 dhe pas veprimeve në 3:30 të mengjesit të djeshëm u bë ekzkekutimi i urdhër ndalimit.
Në komisariat Bllako u paraqit i vetëm, i pa shoqëruar nga familjarët apo avokati i tij mbrojtës. Referuar dosjes, Prokuroria e posaçme kërkon arrestimin e deputetit të partisë socialiste Alqi Bllako me dyshimin se ka marrë në formë rryshfeti 150 milionë lekë për ndërtimin e inceneratorit të Fierit.
Sipas hetimeve këtë shumë parash, deputetit socialist e ka marrë nga kompania “Integrated Technology Waste Treatment Fier” sh.p.k. duke paguar fiktivishit babain e tij Edmond Bllako, që rezulton i punësuar në Inceneratorin e Tiranës.
Spak akuzon gjithashtu Bllakon se ka falsifikuar dokumentat për inceneratorin e Fierit në kohën kur mbante detyrën e sekretarit të përgjithshëm në Ministrinë e Mjedisit, në bashkëpunim me ish-ministrin, Lefter Koka dhe kryetarin e komisionit të shpronësimeve Pëllumb Abeshi .
Për rrjedhojë, Prokuroria e Posaçme Kundër Korrupsionit dhe Krimit të Organizuar (SPAK) e kishte rrugën të hapur për arrestimin e tij duke qenë se Bllako nuk kishte më imunitet. Bllako akuzohet se ka përfituar afro 14 milion e 600 mijë lekë pasi ka falsifikuar dokumente për të shpronësuar një tokë për ta kthyer nga një tokë arë në truall në bashkëpunim me ish-ministrin e Mjedisit Lefter Koka e kryetarin e shpronësimeve, Pëllumb Abeshi. Koka ndodhet pas hekurave për këtë çështje prej më shumë se dy muajsh.
