Aleanca për Mbrojtjen e Teatrit ditën e sotme ka vendosur që të marshojë drejt SPAK-ut. Anëtarët e aleancës thanë se në mënyrë figurative, ‘SPAK ka ndërruar jetë” dhe për këtë arsye zhvilluan homazhe para derës së këtij institucioni.
Avokatja Adriana Kalaja, e cila është pjesë e kësaj alenace akuzoi drejtuesin e Strukturë së Posaçme Antikorrupsion, Altin Dumanin, se nuk ka marrë parasysh kërkesën e tyre, për ta përjashtuar prokurorin Edvin Kondili, që për 4 vite nuk heton dosjen e prishjes së Teatrit.
Edhe agjencia e lajmeve LSA ka publikuar foto, ku shihet disa kurore me lule dhe i jepet lamtumira SPAK-ut.
Në kurorat e luleve shkruhet “Po Rama dhe Veliaj janë mbi ligjin?”, “SPAK, çfarë numri i do syzet që të shohësh mullarin e provave”, “SPAK nuk heton zulin e pushtetarëve etj”.
