Kompania shtetërore “Albcontrol” vijoi edhe këtë vit ritualin me tenderin skandaloz, për kujdesin shëndetësor të punonjësve të saj.
Për 320 punonjësit e kësaj kompanie dhe familjarët e saj, “Albcontrol” i paguan Spitalit Amerikan plot 410 milion lekë.
Nisur nga investigimet e mediave ndër vite, ky rezulton të jetë viti i pestë që kjo skemë vijon të përsëritet.
Për të eleminuar konkurentët e tjerë , “Albcontrol” duket se ka manipuluar garën, duke vendosur si kriter shërbimin e hemodializës.
Këtë shërbim e ofron vetëm Spitali Amerikan, për të cilin e ka përfituar njëherë tenderin nga shteti.
Në këtë mënyrë, drejtori i Spitait Amerikan, Klodjan Allajbeu, ushqehet dyfish nga buxheti i shtetit.
Ky tender i ka zanafillat, që në kohën kur drejtuese e këtij autoriteti ishte ministrja aktuale e Infrastrukturës dhe Energjitikës Belinda Balluku.
Sipas “Pamfletit”, ky tender është fiktiv, për shkak se punonjësit e Rinasit e përfitojnë shërbimin e kujdesit shëndetësor, nga tenderi i chek-up-it, i fituar nga Vilma Nushi.
Parregullsia tjetër e këtij tenderi, është fakti se nuk ka asnjë bazë ligjore, që këtë shërbim ta përfitojnë edhe familjarët e punonjësve.
Në lidhje me këtë rast, KLSH pritet të hapë një hetim, pasi është absurde që një kompani shtetërore paguan privatin, për shërbimet shëndetësore të punonjësve të saj.
Njëkohësisht pritet që edhe SPAK të hapë hetim në lidhje këtë tender.
“Albcontroll” vijon sërish të abuzojë me buxhetin e shtetit, pasi ka planifikuar në tetor të vitit të kaluar, një tender për trajnimin dhe mësimin e anglishtes për disa punonjës të saj.
Ky tender i kushtoi buxhetit të shtetit plot 500 mijë euro.
Kursi ishte planifikuar për periudhën tetor-dhjetor 2019, jo më pak se 8 javë dhe jo më shumë sesa 12 javë.
