Kryetari i Partisë Demokratike, Sali Berisha ka zhvilluar një takim në Shkodër ku folur në lidhje me aksionin e qeverisë për katet pa leje. Sipas Berishës ky aksion nga Rama po bëhet për të ftuar baronët e drogës të vijnë të pastrojnë paratë e pista, psi është një pikë që iu lejon atyre të blejnë këto ndërtime.
“Dje po lexoja që ka filluar betejën me katet pa leje. Njeriu që kontrollon gjithçka thotë në një pikë të vendimit “ai që do ti blejë katet shtesë, le ti blejë”. Kjo është licencë për të gjithë trafikantët e drogës që ti blejnë katet shtesë pasi të ndërtohen. Për trafikantët shopping kryesor janë katet e pallateve. Megjithëse se Shqipëria ka treguesin më të lartë në Europë të ndërtimit, ka çmimet e treta më të larta në Europë për sipërfaqe ndërtimi. Lumenjtë e drogës blejnë katet se nuk lahen dot ndryshe paratë”, tha Berisha.
Duke folur për opozitën ai u shpreh se “Pas 7 korrikut njeriu i vetëm që nuk foli dot gjysmë fale por iu nda fryma ishte Edi Rama. Ai që çdo ditë përgojonte dhe fliste për nja tre javë e harroi fjalën opozitë. Do ti mbahet fryma edhe më shumë në javët që vijnë. Pse? Ai pa një realitet që nuk e kishte imagjinuar as në ëndërr. Po të më pyesësh mua opozita është sot më e fortë se kurrë. Ka shumë punë për të bërë, por ajo që u arrit e dëshmon atë më të fortë se asnjëherë. Nga ky stacion opozita duhet të bëjë gjithçka për tu shtrirë në shoqërinë shqiptare dhe po punohet shumë në këtë drejtim. Edi Rama tani e dha policinë me koncension te baronët e drogës. Se sa policë mbeten për rendin dhe jetën e qytetarëve, ai nuk pyet”.
