Pas ngjarjeve të ripërsëritura në mbledhjet e komisioneve parlamentare dhe gjithashtu edhe në seancat parlamentare, deputetët e maxhorancës kanë vendosur të përjashtojnë nga Parlamenti për 10 ditë tre deputetë të opozitës, Elda Hoti, Saimir Korreshi dhe Lindita Metaliaj.
Ata akuzojnë se Korreshi ishte i pari që ndezi tymuesen në senacën e së enjtes duke e marrë nga Elda Hoti dhe Lindi Metaliaj.
“Seanca e përsëritur në çdo fillim seance plenare nga deputetë të opozitës duke penguar zhvillimin e rregull të saj është e pa tolerueshme. Kaosi i krijuar nga deputetë të caktuar të opozitës në seancën plenare të datës 09.11.2023 duke larguar nga vendet karriget dhe duke vendosur ato si barrikadë përpara foltores dhe duke e bllokuar atë është në kundërshtim me rregulloren e Kuvendit të Shqipërisë.
Situata në sallën plenare u përkeqësua akoma më shumë kur deputeti Saimir Korreshi u pa të merrte disa tymuese nga çantat e dy zonjave deputete Elda Hoti dhe Lindi Metaliaj duke i ndezur ato dhe duke e bërë të pamundur dhe të vështirë zhvillimin normal të rendit të ditës dhe diskutimet e deputetëve të regjistruar”, thuhet në kërkesë.
