Shtohet numri i personave që kanë humbur jetën në aksidentin e rëndë në autostradën Shkup-Tetovë. Deri më tani nga 8 që ishte thënë numri pak më parë, janë bërë 13 persona që kanë humbur jetën dhe 40 të jetë janë shtruar në të dy spitalet e Shkupit dhe të Tetovës.
Këto të dhëna të përditësuara vijnë nga Ministri i Shëndetësisë, Venko Filipçe, i cili ka lajmëruar edhe për gjendjen e personave të tjerë të mbërritur.
Mësohet se aktualisht nga spitali ushtarak “8 shtatori” Shkup, drejtori i spitalit njofton se 4 persona të sjellë në spital kanë vdekur dhe një është në gjendje kritike.
Në qendrën e Urgjencës në Shkup janë shtruar 5 persona, ku një grua shtatzënë është në gjendje më kritike se të tjerët.
“Për momentin gjendja është nën kontroll kemi numër të madh të personelit të mobilizuar, kemi 5 pacientë, një i gjinisë femërore dhe është shtatzënë. Nga dy femrat njëra është në gjendje kritike. Lëndime shumë serioze, tani do ta fillojmë operacionin”, deklaroi Ilir Hasani, drejtor i Qendrës së Urgjencës.
Ende nuk është vendosur një shkak i qartë që shpjegon aksidentin, por grupet hetimore janë duke hetuar ngjarjen për ta zbardhur atë të plotë.
https://www.facebook.com/AlsatMTelevision/videos/2460201244052741/
