Një tjetër person ka ndërruar jetë nga aksidenti i ndodhru ditën e djeshme në autostradën Fier-Vlorë, duke e rëndëuar edhe më tej bilancin tragjik. Personi me iniciale F.D. që ka ndërruar jetë ishte vetëm 20-vjeç, ndërsa ditën e djeshme ndërroi jetë edhe 18-vjeçari E.T. Policia ka arrestuar në flagrancë dy drejtues mjetesh, shtetasin A.K. i cili po drejtonte në gjendje të dehur mjetin e tij tip “Benz” duke përplasur makinën e drejtuar nga 21-vjeçari Q.D. i cili kishte katër pasagjerë në makinë. Policia bën me dije se dy pasagjerët e tjerë, shtetasit K. D., 20 vjeç, R. L., 22 vjeç dhe drejtuesi i mjetit, shtetasi Q. D., ndodhen në gjendje të rëndë shëndetësore”.
Shkak për aksidentin e rëndë u bë shpejtësia e lartë, e cila sipas dëshmitarëve shkonte në 180/km në orë duke bërë që mjeti ku udhëtonin të rinjtë të ndahej më dysh.
Njoftimi i policisë:
“Specialistët e Qarkullimit Rrugor arrestuan në flagrancë 2 drejtues mjetesh: Shtetasin A. K., 40 vjeç, banues në Fier, pasi ditën e djeshme, duke drejtuar në gjendje të dehur mjetin tip “Benz”, ka përplasur një tjetër mjet tip “Benz” me drejtues shtetasin Q. D., 21 vjeç, banues në Fier, i cili udhëtonte me katër pasagjerë. Si pasojë kanë ndërruar jetë në spitalin e Vlorës 2 nga pasagjerët, shtetasit E. T., 18 vjeç dhe F. D., 20 vjeç, ndërsa dy pasagjerët e tjerë, shtetasit K. D., 20 vjeç, R. L., 22 vjeç dhe drejtuesi i mjetit, shtetasi Q. D., ndodhen në gjendje të rëndë shëndetësore”, njofton policia.
