Një aksident i rëndë ka ndodhur ditën e djeshme në Lezhë, ku dy mjete kanë aksidentuar për vdekje një 61-vjeçar, biznesmen i njohur në këtë qytet.
Dy shtetasit A.XH. 22 vjeç dhe N.M. 19 vjeç, të dy banues në Lezhë, kanë qenë duke lëvizur me mjetet e tyre në sense të kundërta kur kanë përplasur për vdekje shtetasin Gjon Kola 61 vjeç.
Mësohet se Gjon Kola, ishte pronar i një hoteli që ndodhet anës këtij akti rrugor.
Pavarësisht ndihmës së parë që është tentuar t’i jepet Kolës, biznesmeni ka ndërruar jetë pa mundur që të transportohet për në spital.
Policia e Lezhës ka arrestuar më pas në flagrancë shtetasit:A.Xh.,22 vjeç dhe N.M.,19 vjeç, banues në Lezhë.
Këta shtetas, rreth orës 17:30, të datës 29.11.2020, në aksin rrugor Lezhë-Milot, në Ishull Lezhë, duke lëvizur me mjetet e tyre tip “Benz” dhe “BMW”, në sense të kundërta, kanë aksidentuar biznesmenin Gjon Kola, i cili ka humbur jetën.
Njoftimi i policisë:
“Specialistët e Qarkullimit Rrugor në D.V.P Lezhë arrestuan në flagrancë shtetasit:A.Xh.,22 vjeç dhe N.M.,19 vjeç, banues në Lezhë. Këta shtetas,rreth orës 17:30,të datës 29.11.2020, në aksin rrugor Lezhë-Milot,në Ishull Lezhë, duke lëvizur me mjetet e tyrë tip “Benz ” dhe “BMW”, në sense të kundërta, kanë aksidentuar shtetasin Gj.K.,61 vjeç,banues në Lezhë, i cili ka humbur jetën. Materialet hetimore iu referuan u referuan në Prokurorinë e Rrethit Gjyqësor Lezhë, për veprime të mëtejshme”.
/GazetaReforma.com/
