Një aksident me pasojë vdekjen ka ndodhur këtë paradite në aksin rrugor Lezhë–Shkodër, pranë kryqëzimit të fshatit Gjadër.
Një turist i huaj që udhëtonte me motor ka humbur kontrollin dhe është përplasur me një automjet në lëvizje.
Përplasja ka qenë fatale për motoristin, i cili ka ndërruar jetë në vendngjarje, pavarësisht përpjekjeve të shpejta të shërbimeve të emergjencës.
Ky është aksidenti i dytë i rëndë në këtë segment rrugor brenda pak orësh, pasi gjatë mesnatës u regjistrua një tjetër përplasje ku mbeti i plagosur rëndë një person.
